शेतकरी कामगार पक्षाचे' मुख्य सरचिटणीस आणि महाराष्ट्राच्या राजकारणातील एक अभ्यासू व्यक्तिमत्व म्हणून जयंत पाटील (भाई) यांची ओळख आहे. लोकनेते प्रभाकर पाटील यांचा वारसा त्यांनी केवळ जपला नाही, तर तो अधिक समृद्ध केला आहे. भारतीय शेतकरी कामगार पक्षाचे मुख्य कार्यवाह म्हणून ते पक्षाची ध्येयधोरणे आणि संघटनात्मक बांधणी चोखपणे पार पाडत आहेत. विधान परिषद सदस्य असताना सभागृहात कोकणाच्या आणि शेतकऱ्यांच्या प्रश्नांवर ते अत्यंत आक्रमकपणे अभ्यासपूर्ण मते मांडत. रायगड जिल्हा मध्यवर्ती सहकारी बँकेचे' (RDCC Bank) ते सलग सहाव्यांदा अध्यक्ष म्हणून निवडून आले आहेत. त्यांच्या नेतृत्वाखाली ही बँक आशिया खंडातील अग्रगण्य सहकारी बँकांपैकी एक बनली आहे. सातबारा कोरा करणे, शेतीमालाला हमीभाव मिळवून देणे आणि रायगडमधील उद्योगांमध्ये स्थानिक भूमिपुत्रांना स्थान मिळवून देण्यासाठी त्यांनी मोठा संघर्ष केला आहे. जिल्हा बँकेच्या माध्यमातून शेतकऱ्यांना शून्य टक्के दराने कर्ज, आधुनिक शेतीसाठी आर्थिक मदत आणि ग्रामीण अर्थव्यवस्थेला बळकटी देण्याचे काम त्यांनी केले. कोकण किनारपट्टीवरील मच्छिमारांचे डिझेल परतावा, जेटींची उभारणी आणि नैसर्गिक आपत्तीत मिळणारी मदत यासाठी त्यांनी नेहमीच पाठपुरावा केला आहे. ग्रामीण भागातील विद्यार्थ्यांना दर्जेदार शिक्षण मिळावे या हेतूने त्यांनी अनेक शाळा आणि महाविद्यालये उभारली आहेत. तंत्रशिक्षण आणि व्यावसायिक शिक्षणावर त्यांचा विशेष भर आहे.रायगड जिल्ह्यात ठिकठिकाणी आरोग्य शिबिरे आणि मोफत उपचारांच्या सुविधा उपलब्ध करून देण्यात त्यांचा मोलाचा वाटा असतो. केवळ राजकारण न करता समाजातील शेवटच्या घटकापर्यंत विकास पोहोचवणे हाच त्यांचा ध्यास आहे.